Arvorig - 1922 - N°11, 12

Arvorig a oa ur gelaouenn vrezhonek viziek sanset evit ar vugale, embannet eus Genver 1913 betek Kerzu 1926. Ne oa ket deuet er-maez e-pad ar Brezel-Bed Kentañ , goude Gwengolo 1914, war-bouez un niverenn a voe embannet e miz Genver 1915. Etre 1919 ha 1922 e oa ur stagadenn da Feiz ha Breiz. Gant Erwan ar Moal e voe savet ha renet. Ur gelaouenn evit ar vugale e oa da gentañ ha "Kannad ar skoliou e Leon, Kerne ha Treger" e oa an istitl anezhi ; goude e oa graet evit ar vugale hag ar re vras ha "kelaouenn vrezonek Treger ha Kerne" e oa an istitl. E brezhoneg penn-da-benn e oa an niverennoù kentañ ; e brezhoneg hag e galleg da c'houde.