Henri Pérennès a zo bet ganet d'an 11 a viz Eost 1875 e Treboull. Goude studioù a deologiezh e Roma e vo beleget e 1898. Kelenner ha da c'houde rener Kloerdi Bras Kemper, e teuas en-dro e Treboull da berson e 1950, parrez e lec'h ez eas d'an anaon d'ar 5 a viz Meurzh 1951.
Adalek 1927 e vo rener kannadig an arzoù-kaer hag an henoniezh Eskopti Kemper ha Leon e lec'h ma skrivas meur a unstudiadenn-barrez. Bez e vo ivez besprezidant Kevredad henoniezh Penn-ar-Bed .
An dastumer kanaouennoù hengounel:
Embannet a zo bet gant Henri Pérennès un toullad brav a studiadennoù war kanaouennoù dastumet gantañ pe gant beleien all evel Henri Guillerm, Besco, pe ar chaloni Jérôme Buléon. Meneget e vez gantañ ingal a-walc'h orin ar c'hanaouennoù gant un nebeut titouroù diwar kanerezed zo :Marie-Joseph Bihannik, Jeanne Le Corré, Jeanne Le Floc’h, ...
En dielloù Departamant Penn ar Bed e c'heller lenn e envorennoù ( lod bizskrivet) gant titouroù dedennus diwar parrez Treboull pa oa bugel enni
Lakaet en deus al Levraoueg Niverel Breizhek ha Europeat da bal , skoazellet gant an IDBE, niverelaat ha lakaat el linenn teulioù liesseurt evit neb-ar-gar, teulioù gante un tamm talvoudegezh istorel, yezhel, lennegel pe o tennañ d'hor glad diwar hêrezh
Muioc'h a ditouroù
Va C'hatekiz Bihan
Sainte Anne chez nous
La vie de Dom Michel Le Nobletz
Notre Dame du Relec Plouneour Menez
Le Chanoine Octave Salomon
Les Hymnes de la Fête des Morts
Kinnig ar bajenn-mañ d'unan bennak